حقاًً زمن أجدادنا~

بسم الله الرحمن الرحيم~

من الأخير وقتنا~ وقت ما فيشي شي ملموس
كله هباءاً منثورا~

يعني يوم تفرح و تهيج و ترفح على نفسكـ 10 تطفى عليكـ اللامبه ..


مُقارنة :.
1\ من ناحية الحالة النفسية :.

هدا العصر:.
لما تبي تهيج ما تخلي شي في خاطركـ و الى تبيه اديره لين رجليكـ
معاش يقيموكـ بطاريتك ما تموش بُكلْ
خودلك بعدها اللامبه تلقاها طافية كساد و نكاد

زمن جدي و جدكـ:.
كانت ناس عايشة على خير بعضها
كل واحد لما يفرح يحب يفرح النااس معااه
كانو ديما حالتهم النفسية متريحة لأنهم كانو مش طامعيين و راضيين بخير ربي



2\ طبيعة الناس

هدا العصر:.
الناس العصر اهوا نفسيتها ما تفهمهاش يوم صاحبكـ و حبيبكـ و يوم يقرمك و يحطكـ على اللقمة و يبدا فيكت تقطيع

زمن جدي و جدكـ:.
ناس خيرة و كان الصاحب يغير على صاحبه و كان الجار و الجار زي العيلة الوحدة

3\ الطبيعة المادية

هدا العصر:.
هدي النقطة خليها بروحها تي الاربع و الخميسيين الى ولو حديد معاش تقعد في جيبكـ شي
هدا غير العملة الرقيقة توا هكي
قالك مزال حتى الخمساات و العشراات هكي
معاش نديرو تزداان نديرو شكارة زي على بابا و نحطو فيها الفلوس
صاحب تكسي تبي تمشي للكلية يقولكـ يا 3 جنيه يا برا روح طالب ولا مش طالب

زمن جدي و جدكـ:.
ندكر الوالد شفت عنده بطااقة قتله اهيا شنو قالى لما كنا طالب يعطو فيما البطاقات اهيا
معناها الطلب كان ديما عنده تخفيض 40% م قيمة اي شي يبيه
و كان القرش و الزوز قروش يسوو عندهم
و كانت ناس اصلا متطلبتها على قد حالها


4\ العلم و التعلم

هدا العصر:.
صح توا النااس الحمد لله متعلمه و اقل واحد تلقاه عنده خلفية على الكمبيوتر و يعرف اصول الحساب و العلم و اللغاات
بس انعدمت حاجة اسمها اخلاق و احتراام الناس

زمن جدي و جدكـ:.
الناس كانت أمية شوية صح بس كانت تفهم كيف تتعامل في الدنيا و كانت تشغل في دماغتها
الناس ربي عرفوه بالعقل
و كانت اهم حاجة عندهم احترام الشخص الى قدامهم و تقديره



>~~<





عمُوماً أصبحنا نكتبو في زمن ورقته لونها رصاصي دااكن مزال ما ولت سودا
و قريباً حتولى سودا







سلام...